நல்ல நல்ல நிலம் பார்த்து....
ஹர்சன்..
எனது வகுப்பில் புதிதாக சேர்ந்த மாணவன்.
கடலோர கிராமத்தில் ஐந்தாம் வகுப்பு வரை தொடக்க கல்வியை பயின்று ஆறாம் வகுப்பிற்கு விடுதியில் தங்கி வகுப்பிற்கு வந்தான்.
பெரும்பாலும் பெற்றோரின் அன்பும் அரவணை ப்பு அதிகமாக பெற்ற குழந்தைகளும்... சுதந்திரமாக வளர்ந்த குழந்தைகளும் விடுதி வாழ்க்கைக்குத் தங்களை உட்படுத்திக் கொள்வதில் மிகுந்த சிரமத்திற்கு உள்ளாகுவது உண்டு.
ஹர்ஷனும் அதில் விதிவிலக்கல்ல.
பள்ளிக்கு வந்த மூன்றாம் நாள் மாலையில் யாரிடமும் சொல்லாமல் பள்ளி முடிவுற்றதும் பேருந்தில் ஏறி ஊருக்கு கிளம்பி விட்டார்.
அவரது ஊரைச் சேர்ந்த மாணவர் ஒருவர் உடன் இருந்ததால் நேரடியாக இரவு வீட்டிற்கு சென்று சேர்ந்து விட்டார்.
அதன் பின்பு இரு வாரம் பள்ளிக்கு வரவில்லை.
வேறு பள்ளியிலும் அவர் சேரவில்லை.
பெரும்பாலும் பெற்றோர்கள் கூறக்கூடிய பதில் ஒன்றுதான் ..
"ஒழுங்கா படி இல்லாவிட்டால் கடல் தொழிலுக்கு போ.."
ஒருவேளை நம்ம ஹர்சனுக்கும் அதே நிலை ஆகி விடக்கூடாது என்பதால் கருங்கல் அருகே தேவிகோடு பகுதியில் அவரது பாட்டி வீட்டில் அவரை இன்று மாலை 7.00 மணிக்கு சந்தித்தேன்.
ஒரு மணி நேரம் பேசிய பின்பு அங்கிருந்து பள்ளிக்கு வருவதாக அவர் கூறினார்.
சுமார் 40 கிலோ மீட்டர் தொலைவில் தினசரி பயணித்து பள்ளிக்கு வருவது இயலாத காரியம் என்று கூறி அருகில் உள்ள பள்ளியில் நீ சேர்ந்து படி...
உனக்கு ஏதாவது உதவி தேவைப்பட்டால் என்னிடம் கேள் என்று கூறிவிட்டு அவன் மாற்றுச் சான்றிதழ் பெறுவதற்கான விண்ணப்பத்தையும் அவரிடம் எழுதி வாங்கிவிட்டு குழந்தைகளுக்கான புத்தகத்தை பரிசளித்து வந்தேன்.
தமிழ்நாடு அரசு உதவி பெறும் தனியார் பள்ளி ஆசிரியர் அலுவலர் கூட்டமைப்பின் கருங்கல் வட்டார தலைவரும் மங்கலக்குன்று
பள்ளி பட்டதாரி ஆசிரியருமான ஜார்ஜ் தாஸ் உடன் வந்தார்.
EMIS இல் இருந்து
அவரை விலக்கி விடலாம் ...
ஆனால் மற்றொரு பள்ளியில் அவர் சேர்ந்து படிப்பதை உறுதி செய்ய வேண்டுமே.
நம்மை நம்பி வந்த மாணவன் அல்லவா...
தற்போது அவனுக்கு கல்வியின் அருமை புரியாமல் இருக்கலாம்.
இவற்றையெல்லாம் கடந்து நன்கு கல்வி கற்று உயர் நிலைக்கு வரும்போது அவன் உணர்வான் கல்வியின் முக்கியத்துவத்தை..
..
அதற்கு பெற்றோர்... ஆசிரியர்களின் உடன் இருப்பு அவசியம்.
" நல்ல நிலத்தில் விதைக்க வேண்டும்.
"
வழியோரத்திலும் முப்புதறிலும் பாறைகளிலும் விதை விழுகிறது என்றால் விதையின் குற்றம் அல்ல... விதைப்பவனின் குற்றம்!
பங்குத்தளங்களில் உள்ள ஏராளமான குழுக்களில் கல்விக் குழு என ஒன்று இருந்தால் அது நிச்சயம் இதுபோன்ற கடமைகளை செய்திருக்கும்.
கோயில்களைப் பற்றி கவலைப்படும் சமூகம் தெய்வங்களைப் பற்றி எங்கே பேசப் போகின்றது?
அவன் பாட்டி கூறிய பதில் , "ஐயா இவன் ஐந்தாம் வகுப்பு படிப்பதற்குள் 5 பள்ளிகளை பார்த்து விட்டான்" என்றார்.
பத்தாம் வகுப்பு படிப்பதற்குள் 10 பள்ளிகளை பார்த்துவிட்டு போகிறான் ...
குழந்தை படிக்க வேண்டும்...
எந்த பள்ளி என்றால் என்ன என்று அவரிடம் கூறிவிட்டு அவனை படிக்க வையுங்கள் ...
அதுவே அக்குழந்தைக்கு நீங்கள் செய்யும் பேருதவியாக இருக்கும்.
என்று கூறி விட்டு விடைபெற்றோம்.
